黃又南再解鎖新技能　被野生捕獲駕駛「叮叮」電車　網民：要揸齊所有交通工具？

藝人黃又南繼早前兼職駕駛巴士後，昨日（21日）再被網民「野生捕獲」，這次他挑戰的是香港百年交通工具——電車（叮叮）。車身掛上「司機訓練中」的黃色告示牌，並亮起「暫停載客」，顯示他正接受培訓。

「考牌KOL」再添一員　曾被誤會轉行

黃又南近年頻頻考取各類駕駛執照，被網民戲稱為「考牌KOL」。他先後持有私家車、的士、紅Van、綠Van及旅遊巴車牌，早前更成功考獲巴士牌，並曾兼職駕駛8P及機場巴士路線。當時有乘客認出他，他淡定回應：「放心，我有巴士牌。」

昨日有網民上載照片，可見黃又南在有經驗的電車司機陪同下，坐在駕駛席操控叮叮。帖文引發熱議，大批網民留言：「佢要揸晒所有交通工具？」、「公共交通工具KOL」、「幾好呀，做人就係要能屈能伸」，也有人笑稱「想睇佢揸地鐵」。

澄清：最愛仍是演戲　考牌為興趣非轉行

據悉，黃又南駕駛電車是為了其經營的YouTube頻道拍攝節目，並非真的要轉行。他早前接受電台訪問時坦言，最喜歡的始終是演戲：「我覺得凡係用雙手賺錢，又唔係犯法嘅嘢，就冇問題。但我又唔想解釋太多，反正無所謂。其實我最鍾意都係拍戲，呢個先係正職。」他又透露計劃考取中型及大型貨車牌，笑言想試駕田螺車出入地盤，「我覺得好有型」。

雖然他多次強調未有轉行，但仍有不少市民誤會，連胞姐也以為他已轉行，需由母親代為澄清。黃又南的多元化駕駛技能，無疑為他增添了不少話題性。

//

喜歡我們的內容？別忘了CLSS🙏
你每個互動都是我們繼續的最大動力～追蹤我們獲取最新資訊

有料想報？簡單寫低事發時間、經過、地點，同埋發生咩事，
Send嚟我哋嘅報料熱線：
WhatsApp # 9106 0617

我哋係#tagline香港 ，聚焦你所關心嘅🇭🇰