【全港銷量No.1 | WholeLove 黑瑪卡特約】元朗男女馬路飛車救貓獲激讚 網民：好眼力！好有愛心

日前網上流傳一段車Cam片段，顯示一對男女在元朗十八鄉路駕車期間，發現馬路上有一隻流浪貓。女乘客當機立斷叫停車輛，並在數秒內成功將貓咪救回車上。影片在社交平台瘋傳，大批網民大讚二人「有愛心」、「好眼力」。

深夜馬路驚見貓影 女伴秒叫停車

事發於上週四（6日）晚上約8時，一輛私家車沿元朗十八鄉路行駛，駛至十八鄉迴旋處前，司機突然發現馬路上有一隻貓，即時驚呼：「嘩！貓仔嚟架喎嗰隻。」身旁女伴聞言急切地說：「哎呀，停車。」司機隨即打死火燈停車，同時不忘提醒女伴小心路面。

徒手救貓 貓咪上車淒厲叫聲

女伴迅速開門落車，數秒後成功捉住貓咪並帶回車上。貓咪其後發出響亮叫聲，女子安慰說「返咗屋企先」。帖主事後補充，當時情況危急，身上無任何工具，只能徒手捕捉，形容「馬路我係捉得好實，驚甩手佢就真係係甘先」，並慶幸貓咪沒有受傷。

網民激讚：祝你去廁所永遠唔使排隊

片段在網上瘋傳後，網民紛紛大讚二人愛心之舉。有人留言：「你另一半真係你嘅神隊友啊！一叫佢即刻停！句停車好有型」、「睇唔到隻貓不過聽到聲真係放心曬，祝你去廁所永遠唔使排隊」。亦有網民讚賞司機眼力過人：「完全見唔到。咁都睇到！勁」、「我都見唔到隻貓，你哋好犀利！」

有網民指片段中的流浪貓應屬「貓BB」，呼籲駕駛人士夜間行車時多加留意路面情況，特別是在鄉郊路段。

//

喜歡我們的內容？別忘了CLSS🙏
你每個互動都是我們繼續的最大動力～追蹤我們獲取最新資訊

有料想報？簡單寫低事發時間、經過、地點，同埋發生咩事，
Send嚟我哋嘅報料熱線：
WhatsApp # 9106 0617

我哋係#tagline香港 ，聚焦你所關心嘅🇭🇰